બસ આ જોડકણું મારુ...
મારે "અનંત" ને "અજ્ઞાની" ના શ્બદોનો સહારો છે.
એટલેજ તો આઠે પ્રહર મારે આનંદ એકધારો છે.
હું બિલકુલ ગરીબ નથી ! એક તારો સહારો છે ! ને બીજો -
મારી પાસે ભાઈબંધોના શબ્દોનો ખજાનો પણ મારો છે .
અને હવે ભાઈબંધની વાતો ... ... !
ઘણી બધી મજા હતી એ સઘર્ષના દિવસોમાં પણ.
એય ને રાત પડે ને સવાર પડે.
હા જ્યારે દુનિયાની રાત પડે ત્યારે અમારી અંગત દુનિયામાં સવાર પડતી...
પછી ઈજ ચાય ઈજ પ્યાલી ...
અડધી ભરેલી અડધી ખાલી...
આમ જુવો તો સાવ પાયમાલી ..
આમ જુવો તો ખૂબ જાહો જલાલી ...
એ ખંડેર એ ખુરશી ...
એ દીવા તળે અંધારું ...
છતાં અજવાળા કરતાં ખૂબ સારું...
એવું હતું જીવન અમારું...
અમે ત્રણેય બેઠા હોય સામ સામે ...
અને પછી ચાયની ચૂશ્કી સાથે, અમારી મહેફિલ જામે...
જ્યારે મળીએ હસીએ રડીએ ....
આમ દિવસો પસાર કરીયે....
પાચકા ના પણ ખર્ચા ના હોય ...
ફાલ્તુ અમારી ચર્ચા ના હોય ...
ગૂઢાર્થ જેમાં છુપાયો ના હોય ...
એવિ એકેય રચના ના હોય...
પ્રેમ, હાસ્ય , કરુણા,ના રસ નિચોવાય જાય પછી ...
હું એમની વાતો ને સુધારું, મઠારું સુંદર રીતે શણગારું અને પછી જ !
કાગળ પર, એમના ઋણ સાથે ઉતારું....
વર્ષો પહેલાની આવીજ એક મુલાકાત પછી ...
અનંતે ઉચ્ચારેલી ....
અને મે સુધારી, મઠારી શણગારી ને પછી ...
કાગળ પર ઉતારેલી રચના ...
સત્યના પડઘા....
“અનંત” સત્ય અસત્યના પડઘા સતત પડઘાયા કરે..!
ક્યારેક છળ આપણી સાથે આપણાં જ પડછાયા કરે ..!
"અનંત"
@@@@@@@@@@@@@@@@@@@@@@@
જ્યારે પણ, કોઈ પણ, બે વ્યક્તિની સરખામણી થાય છે.
ત્યારે બે માથી , એક વ્યક્તિ અચૂક અળખામણી થાય છે.
ઈચ્છા વિના કશું જ શક્ય નથી , તારી ઈચ્છા મારી ઈચ્છા.
આટલી ઈચ્છા થયા પછીજ ! એક ઈચ્છા આપણી થાય છે.
જુઠા છે ! બે શર્ત પ્રેમની જે વાતો કરે છે ! પણ કરતાં નથી.!
હું સ્પસ્ટ કહું છું ! જ્યાં પ્રેમ હોય, ત્યાં જ માગણી થાય છે !
જાણું છું ઘણાય લોકોને મારી સફળતાની ઈર્ષ્યા આવે છે...!
પણ હું તને પૂછું છું, કહે તું મને ,તને કેવી લાગણી થાય છે ?
માત્ર પુરુષો જ સ્ત્રીને સતાવે છે, આ વાત પૂર્ણ સત્ય નથી જ !
હાં.! “અનંત” સ્ત્રીઓ દ્વારા પુરુષોની પણ સતામણી થાય છે.
"અનંત"
બ્લાષ્ટ:-
માત્ર,!
ઈચ્છા વિના અડવું કે અડકવાનું અડપલું કરવું.
કે ટેરવાં દ્વારા પણ અણ છાજતું સ્પર્શવું
એને જ છેડતી કરી કહેવાય. એવું નથી ...!
આંખોથી કે શબ્દો દ્વારા પણ સતામણી થઈ શકે છે ....
પણ...!
જ્યાં સ્પર્શની મજા અરસ પરસ લેવાતી હોય ...
"અનંત" તેને છેડતી નહીં છેડખાની કહે છે ...!
છેડખાની..!
પ્રેમની નિશાની...!
છેડખાની ...!
જ્યાં પ્રેમ હોય ત્યાં સહજ ઘટતી ઘટના ..!
બાકી જૂતાં પણ પડી શકે !
પણ..!
સ્ત્રીઓ સામે પુરુષ ક્યારેય છંછેડાતો નથી...
એવું માનવું ભૂલ ભરેલું છે....!
"અનંત"
બ્લાસ્ટ:- "અજ્ઞાની"
દરિયા મધ્યે જે તરી ગયા, કહે છે એ, કિનારે આવી ડૂબી ગયા...!
“અજ્ઞાની" નક્કી મધદરિયાથી વધુ ઊંડો કિનારો હોવો જોઇયે...!
"અજ્ઞાની"
"અજ્ઞાની"
No comments:
Post a Comment