કઈક તો કારણ હશેજ જૂનું કે નવું ...

વર્ષો પહેલા અનંતે એની કોઈ ચહિતીના ,

કઈ કેટલાય સવાલોના જવાબમાં આ વાત કહી'તી ...

સવાલો કેવા કેવા હતા કે હશે એ કહેવાની જરૂર નૈ પડે ...

કેમકે જવાબમાં સવાલો ની આછેરી ઝલક દેખાય આવશે ...

પ્રેમ એટલે ગાંડપણ ...
પ્રેમ એટલે વળગણ ..

રોજ સામે હજારો ચહેરા મળે.
કોઈકજ સંબંધ ગહેરા નીકળે.

બધી વખતે કઈ આવું બનતું નથી ...
એવું નથી કે કોઈ બીજું ગમતું નથી...

પણ હું ફકત ખેંચાયા કરું તારી તરફ ....
તું પણ સતત ખેંચાયા કરે મારી તરફ ....

એનું પણ કઈક કારણ તો હશે જ ને ..!
તને જોયા વિના મારાથી રહેવાય ના

મને જોયા વિના તારાથી રહેવાય ના 

આવું બધુ કૈ અમસ્તું ખેંચાણ નાજ થાય ને..! 

કઈક તો કારણ હશે જ..! 

કારણ કદાચ નવું પણ હોય શકે,
હોય શકે કદાચ જૂનું પણ કારણ.

હું મનમાં ને મનમાં  કેટલું કહ્યા કરું  ...
તુંયે બસ મનમાંજ બડબડ કર્યા કરે ...

હું પણ લખ્યા કરું ... 
તું પણ લખ્યા કરે ... 

દૂર દૂર રહી ડંફાસ માર્યા કરે ...
પ્રેમ બસ પ્રેમની ચર્ચા કર્યા કરે.... 

અને જ્યારે એક બીજા સામે આવે તો,
એકેયના મોં માંથી નીકળેના એક હરફ..!

હું તો પહેલ ક્યારેય કરુંજ નહીં ... 
તું પણ સ્વીકાર કરતાં ડર્યા કરે ...

ફરી એજ સવાલ .. 
આવું થાય છે શાને ...? 

હોય કોઈ જૂનું જો સગપણ.
મન ખેંચાયા કરે તો પણ..!

સવાલ જવાબ રહેવા દે ... 
થોડું કૈ મનેય કહેવા દે ... 


હું પણ તને ચાહયા કરું . 
તું પણ મને ચાહયા કર. 

ચાલ્યા કર બસ ચાલ્યા મારી  સાથે સાથે ...
રહ્યા કર સતત રહ્યા કર  મારી પાસે પાસે ...

"અનંત" વરસાદમાં તો સૌ કોઈ પલળે ...
ચાલ પલળીએ આપણે વગર ચોમાસે...

"અનંત" બસ તું ગીત એકાદૂ ગણ ગણ ...
સમજી જઈશ હું આવી જશે જો સમજણ ...  

ના હું ગણું ના તું પણ ગણ .

સાથે કેટલુ ચાલ્યા ચરણ ..!

હું પણ તને ચાહયા કરું . 
તું પણ મને ચાહયા કર. 

ચાલ્યા કર બસ ચાલ્યા કર સાથે સાથે ...
રહ્યા કર બસ રહ્યા કર સતત પાસે પાસે ...

"અનંત"

* બ્લાસ્ટ *

ઉમર શરીરની વધે છે "અનંત"
પ્રેમને કદિ આવતું નથી ઘડપણ .