મારે મન ક્ષણે ક્ષણ પ્રેમ છે.!

 મારુ તો બસ એવુંજ છે ..!

ભાઈબંધ જેવુજ છે ..!

હું ઉજવું ત્યારે હોળી ને હું ઉજવું ત્યારે દિવાળી ...

"ફક્ત મારી... :)

અને હું ચાહું ત્યારે વેલેન્ટાઇન ડે ... :)

આ માત્ર મારી અલૌકિક મસ્તી છે..

તમ તમારે તારીખ વાર મુજબ ઉજવો ...

હું ક્યાં કોઈને રોકું છું ... રોકાતોય નથી ... :)

"વેલેન્ટાઇન ડે’ એટલે યુવાનોનો પ્રિય દિવસ ..

અહ્અ, યુવાનો માટેજ..!

એવું કૈ કાય ના હોય..

પ્રેમ તો પ્રેમજ હોય છે ને .. તો પછી..!

એ બધા માટે ...:)

અનંત પ્રેમનો...

પ્રેમની અદભુત અલૌકિક કલ્પનાનો..

અને અંતમાં પ્રિય પાત્રને પામવાની ઝંખના નો દીવસ..

અકલે વે.ડે ... :)

પણ મારે એવું કશુજ નૈ... :)

કશુજ નૈ અર્થાત...,

પ્રેમ બ્રેમ નૈ એમ હું નથી કહેતો ..

એ તો મારે બારમાસી ..:)

હું તો એમ કૌ છું કે મારે તો ...

મારે આઠે પ્રહર 'ને આખું વરસ પ્રેમનું ... 

મારે મન મહત્વ નહીં કોઈ દિવસ એકનું

વે.ડે. પ્રેમની એ તારીખ , જે ગઈ તે ગઈ.. 

મફત છે, મારી સાથે આજેય ઉજવો ને ભઈ...

આજના (જોકે આમ લોકો માટે)

( મારે મન તો સતત ક્ષણ ક્ષણ પ્રેમ પર્વ )

હાં, તો, આ પ્રેમ પર્વ નિમીત્તે સૌ પ્રેમીઓને,

વર્ષો પહેલા...

ભાઈબંધ અનંતે એની કોઈ ચહીતીને લખેલી અને,

એ રચના દ્વારા વ્યક્ત કરેલી એક પછી એક એમ અનેક

ઈચ્છાથી લથબથ એક રચના મફત ભેટ..

આયા આમેય ક્યાં કોઈ કાય આલવાનું હતું...

તો પણ મને લઈ લેતા આવડે છે..!

'ને હું લઇશ... વળતર... :)

કેમ લઇશ ? કેવી રીતે લઇશ ? શું લઇશ ?

એ હું કોઈને ક્યારેય નૈ કૌ ...... :) :) :)

તો..

આ રચનાનું સર્જન વર્ષો પહેલા...

કોઈની ચાહમા મારા ભાઈબંધ “અનંત” દ્વારા....

ફક્ત પાંચ જ મિનિટમાં થયેલું,

એવું એણે મને કહેલું . ( હું તમને કૌ છું ) :)

ઢળતી સંધ્યાનો સમય હતો,

અને તે એક એવા રસ્તેથી પસાર થઈ રહ્યો હતો,

જે રસ્તે લીંબડાના, પીપડાના અને...

ગુલ મહોરના વૃક્ષોની સુંદર હારમાળા હતી.

અને ઉપરથી વસંત ઋતુય પૂર બહારમાં ખીલેલી...

હવે આવા સમયમાં પ્રેમથી લથબથ પ્રેમાળ હ્રદયને...

પ્રેમાળ સ્ફુરણા ના થાય તો...

એ કેવો પ્રેમાળ ! ક્યાનો પ્રેમાળ હે...!

તો,,,!

એ દિવસે અનંત ને ચાલતા ચાલતા પ્રેમાળ સ્ફુરણા થઈ ...

પણ ત્યારે , તેની પાસે કાગળ કે પેન કશું જ ના હતું...

લખવાનું બૌ મન થાય પણ કરે શું ..?

વિચાર મગ્ન અનંત ગુલમહોરના એક વૃક્ષ પાસે...

વૃક્ષને અઢેલીને ઊભો રહી ગયો...

એજ સમયે સંધ્યા ટાણે સ્કૂલેથી છૂટીને આવતો બાળક પસાર થયો.....

અનંતે તેને ઊભો રાખ્યો અને તેની પાસે એક કાગળ અને પેન માંગી,

પેલા બાળકે પ્રેમથી કાગળ પેન આપ્યા અને બસ..

બસ ફક્ત પાંચજ મિનિટમાં અનંતે આ રચના લખી નાખી..

પછી પેલા બાળકનો આભાર માનતા તેની પેન પાછી આપી ,

સર્જન પાછળની ઘટના પૂરી ...

હવે એ દિવસે થયેલા સર્જન વિષે ...

એક યુવક અને યુવતી જ્યારે પહેલી વાર મળે છે,

ત્યારે પહેલા નજર મળે છે .

પછી હ્રદય મળે છે,

અને પછી..!?

પછી તો સતત મળતા રહેવાની ઝંખના આગળ વધે છે,

અને એમ કરતાં કરતાં... 

પ્રેમ કરતાં કરતાં ..

રોજ મળતા મળતા... 

વાત છેક લગ્ન સુધી પહોંચે છે.

ક્યારેક પ્રેમી કે પ્રેમિકા .પોતાના ગામમાં જ મળે છે તો,

ક્યારેક પરદેશમાં કે પછી કોઈ લગ્ન પ્રસંગમાં...

પછી એકમેકની નજરથી નજર મળી જાય છે.

ત્યાર પછી ક્રમશ કેવી કેવી ઝંખના જાગે છે,

એ વાતનું અનંતે આ રચનામાં ટ્ંકુ ને ટચ છતાં..!

એકદમ મદ મસ્ત ...

શરૂથી અંત સુધીનું યાને કે..,

પ્રેમથી લગ્ન સુધીની ઝંખનાનું અદભૂત વર્ણન કર્યું છે...

જે આજે વેલેન્ટાઇન ડે' મારા હિસાબે આજે જ .. :)

તો અનંત ની આ રચના વેલેંટાઈ ‘ડે’ ના પ્રેમાળ દિવસે....

મારા ભાઈબંધો તેમજ "બાઈ"બંધોને ...

પ્રેમથી સાવ મફતમાં ગિફ્ટ કરું છું.!

જોકે મફત તો જગતમાં ક્યાં કશું જ મળે છે, 

કે, કોઈ આપે છે., હે.. !

તો હુ કેમનો કૈ મફતમા આલુ ક્યો.! 

ખૈર..

મને શું મળે છે ,?

શું શું મળ્યું,? એ તો હું ક્યારેય કોઈને નૈયજ કૌ ... :)

તો માણો યારો,મફતની મજા... :)

@@@@@@@@@@@@@@@@@@@@

એક વાર મળ્યા પછી તને મળવાની ઝંખના "અનંત" સતત વધે છે .! 

હવે એક ક્ષણ પણ એક બીજાથી દૂર રહેવું મને કે તને ક્યાં ગમે છે.? 

"અનંત"

વર્ષો પહેલા...

અનંતે એની કોઈ ચહીતી ને કહી'તી અંતરની ઈચ્છા...

હાં, ક્યારેક એમ થાય છે..! 

કે, શા માટે પ્રેમ થાય છે..?

"અનંત" દૂર હોય એ, તોય, 

પાસે હોવાનો વે'મ જાય છે.!

"અનંત"

************************

પરદેશમા નહીં.! મારા ગામે તું હો'

રહું જ્યાં હું, તે મુકામે તું હો '

સમણે તો રહે છે સાથ તું, રાતભર, 

ચાહું હર ઘડી નજર સામે, તું હો'

પ્રેમ હો' ભગવાન, પ્રેમજ હો' જો પુજા- 

તો પછી મારા હૃદયના તીરથ ધામે તું હો'

શિયાળાની વહેલી પ્રભાતે, તારો

હુંફાળો રૂપાળો હાથ હોય મારા હાથમાં

'ને મારો રૂપાળો હુંફાળો હાથ થામે તુ હો'

કેસરી કિરણો રેલાવે જ્યારે સુરજ 

બાગમાં મારી સાથે, "વિસામે" તું હો'

તારા નામ પાછળ હોય નામ મારૂ, 

"અનંત" આગળ મારાજ નામે, તું હો'

આકલે થી ના અટકતા એ ભટકતા આદમીએ... 

ઘરના બગીચાની પણ કલ્પના અને ઈચ્છા...!!

વ્યક્ત કરતા પેલીને લખેલુ અકલે કે લખીને કહેલુ કે,

"અનંત" એકા'દ બે ફૂલ ખીલે આપણાએ બાગ મહી 

રંગ, રૂપ, 'ને બચપન ફરી આપણું આપણી સામે હો'

"અનંત "

અહી સુધી તો સૌને સાથીદારનો સાથ મળી જ રહેતો હોય છે ...

પણ.! પ્રિય પાત્રના સાથની એક બીજાની સૌથી વધુ જરૂર તો ,

ખરેખર જીવનની ઢળતી સંધ્યા એ પડતી હોય છે...

તમામ રીતે નીવ્રુત થયા પછી 

ખરેખર તો એ ઉમરે પ્રેમની,બીજી ઇનિંગ યાની, 

ફરી પ્રેમ ની મોસમ શરૂ થતી હોય છે ..

અને થવી જ જોઇયે !

અને જ્યાં સમજણ છે ત્યાં થાયજ છે...!

તો અંતમાં ભાઈબંધે એ પણ કહી દીધું કે..,

જ્યારે પ્રેમની શરૂઆત હોય ત્યારે પ્રેમી બાગમાં

કોઈ ખૂણો શોધે છે પ્રેમાલપ કરવાને ....

પછી જ્યારે ઉમરની ઢળતી સંધ્યા હોય ત્યારે..?

પણ.! અગર જેને ચાહયું હોય,

જેની સાથેજ ફેરા ફર્યા હોય, 

અને એનીજ સાથે,

એજ બાગમાં સાગના બાકડે બેસીને...

ફરી એ પ્રેમના દિવસો યાદ કરવાની મજા ...

એ તો ભૈ જે માણે તેજ જાણે ... :)

"અનંત" જીવનની ઢળતી સંધ્યાની લાલીમા મધ્યે પણ

બાગમાં સાગનાં એજ બાકડે મારી સાથે વિસામે તું હો..

"અનંત"

&&&&&&&&&&&&&&&&&&&&&&&&&

“અનંત” 

*********

લગ્ન પછી ....

પતિનું નામ પત્નીના નામ પાછળ આવે છે .

અને પત્નીનું નામ પતિની આગળ આવે છે,

એમાં મે કશું જ નવું નથી કહ્યું, 

એ તો સૌને ખબર જ હોય ... કે નૈ ..?

આ તો હું એમ કૌ છું કે

બસ એજ વાત અહી અનંતે અંતમાં રજૂ કરી છે.

આખરે, તારા નામ પાછળ હોય નામ મારૂ, 

"અનંત" પ્રીયે આગળ મારાજ નામે, તું હો'

આજે પણ આનંદ થી મારો સમય પસાર થઈ ગ્યો... 

અને એ સમયમાથી આનંદ કરતો હું પસાર થઈ ગ્યો...

બ્લાસ્ટ :- આજેય પ્રેમ દિવસજ છે..!

*બ્લાસ્ટ*

તમારે મન હોય એક દિ' પ્રેમ ડે. 

મારે મન ક્ષણે ક્ષણ પ્રેમ પ્રેમ છે . 

હું તને આપુ અઢળક "અનંત" પ્રેમ 

સામે તું પણ મને અનહદ પ્રેમ દે..!

"અનંત"