અધુરી તરસ અરસપરસ.

બે,મતલબની વાતો ... 

સવારના ઉઠીને કાયમ એમજ એકલે કે પહેલાની જેમજ 

એકલે કે એજ એની જૂની આદત મુજબ 

સોફા સામે મુકેલી ટીપોય પર પગ લંબાવી 

બેઉ હાથ માથા પાછળ રાખી 

સોફાના ટેકે માથું અઢેલી બેસતો ઘોઘો...

ખબર નૈ કેમ આજે ઉઠીને ઉઠતાવેંત સીધોજ ઘોઘીને ઘેર ગયો...  

પૂર્ણ જેવું અર્ધસત્ય...  

હજારો લાખો વર્ષોમાં ક્યારેકજ આવી ઘટના બને કે, 

ઘોઘો સામે ચાલીને કોઈ ઘોઘીના ઘેર ગયો હોય . 

(ફેંકવામાં શું જાય છે.! આમેય આ ફેંકા ફેંકી અને ફાંકા ફોજ્દારીનો યુગ છે બધાજ ફાંફા મારે છે બધાંજ ફાંકા મારે છે )

બીતા બીતા ઘોઘાએ સાવ હળવેકથી ઘોઘીના ઘરનો દરવાજો ખખડાવ્યો ... 

ઘોઘી ઘરની અંદરજ  અંદર અદર ઝણઝાણી ઉઠી... 

દરવાજો ધીમો ધીમો ખખડવાના અવાજ પરથીજ 

ઘોઘી પારખી ગયેલી કે નક્કી ઘોઘો આવ્યો છે.!

એકલે પછી તો ઘોઘી, ઝણ ઝણેજ ને.! 

એમાં એનો શું વાંક ..!

એ આવીઈઈઈ ... એમ બોલતી કપડા ધોતી ઘોઘી 

સાડીના છેડાથી હાથ લુછતી લુછતી દરવાજે ગઈ... 

અને દરવાજો ખોલ્યો ... 

ઔહૌ શું વાત છે ઘોઘા...! 

કે આજે તુ આ તરફ ભુલો પડ્યો..! 

ઘોઘી ભુલો પડ્યો હોત તો તારી બાજુ વાળીના ઘરમાં ન ઘુસી ગ્યો હોત .!? 

અક્કલ વગરની ભુલો નથ પડ્યો તારી પાસેજ આવવુ હતું 

'ને તારી પાસેજ આવ્યો છું.!

ઘોઘીને હસવુ આવી ગયુ. 

તું સામે ચાલીને મારી પાસે આવ્યો એ તો મારૂ સદભાગ્ય... 

એ તો પછી ખબર પડશે ઘોઘી કે મારૂ સામેથી તારી પાસે આવવુ તારૂ સદભાગ્ય છે કે દુર્ભાગ્ય... 

આમ મનોમન બબડી ઘોઘીના ઘરની અંદર આસપાસ નજર કરી ઘોઘો બોલ્યો ... 

ઘોઘી તારી માં ઘરમાં તો નથી ને ..? 

ના નથી મંદીરે ગઈ છે. 

તો ઠીક એમ કહી ઘોઘો ઘોઘીની બાજુમાંથી સરકી અંદર ગયો ... 

દરવાજો બંધ કરી અંદર આવતા ઘોઘીએ કહ્યું. 

અને મારી માં કદાચ, ઘરમાં હોય તોય શું ઘોઘા...? 

એ તને સારી રીતે ઓળખે છે ..!

એટલેજ એટલેજ પૂછવું પડે ઘોઘી.... 

પોતાના લખ્ખણ જાણતા ઘોઘાએ છુપું સત્ય કહ્યું. 

પણ ઘોઘીનું એ વાત પર બિલકુલ ધ્યાન ના ગયું.

ઝણઝણવામાંથી નવરી પડે તો ધ્યાન જાય ને ...

ઘોઘો ઘોઘીના ઘરમાં પણ સોફા પર એજ રીતે બેસી ગયો 

જે રીતે કાયમ પોતાના ઘરમાં સોફા પર બેસે છે...!

ઘોઘો અને ઘોઘી બૌ લાંબા સમય પછી છેક આજે મળ્યા...  

ઘોઘા પાણી આપું ? 

કેટલું બધું ભૂલી ગઈ છે તું ઘોઘી કે તરસ્યા ને પુછે છે ..! 

પાણી આપુ.!? 

ઔહ સોરી ઘોઘા ખરેખર ભૂલીજ ગઈ હતી, 

યાદ આવ્યુ તું તો ભવો ભવનો તરસ્યો છે..! 

ઘોઘી પાણિયારે ગઈ પાણીનો ગ્લાસ ભર્યો .. 

અને ઘોઘા સામે ધર્યો ... 

ક્રમશ...

*બ્લાસ્ટ*

છે અધુરી તરસ અરસપરસ. 

અરસપરસ છે અધુરી તરસ.

"અનંત" પ્રેમ પ્રયાસો છું યુગોથી.

પાઈ દે તું અધરો થી મધુરો રસ.

"અનંત" 

https://www.facebook.com/share/p/ekJFiM7TFPEttFny/?mibextid=oFDknk