થોડી ક્ષણોમાં, પ્રેમ "અનંત" યુગોનો કરી લે.!

વિખૂટા પડતી વખતે...

ફરી દૂર દૂર પરદેશ જવાની આ તૈયારી છે,

જો સાથે જીવવું હોય, તો જવું પડે એ લાચારી છે.

જે રીતે વૃક્ષને વેલ, એ રીતે મને તું બાહોમાં ભરી લે,

તને પ્રેમથી ભીંજવું હું, મને પ્રેમથી તું ભીંજવી દે.

કોણ જાણે કેટલાય યુગોનો ભાર સહ્યો છે આ વિયોગે,

આવ, આજે એ હળવો કરીએ બસ, આંસુ ઠાલવીને.

તારા નાજુક ખભે મારાં આંસુઓ વહેવા દે,

મારોય ખભો તું આજે તારાં આંસુથી ભીંજવી દે.

કોણ જાણે ફરી કેટલાય યુગોનું છેટું થશે,

આ છેલ્લી થોડી ક્ષણોમાં, પ્રેમ "અનંત" યુગોનો કરી લે.

"અનંત", સાચવીને રાખજે હવે આંસુ આંખોમાં—

હું આવું ત્યાં સુધી... આજે મન ભરીને રડવુ હોય એટલુ રડી લે.

"અનંત"

https://www.facebook.com/share/1C7AXyY2zf/