ચમત્કાર...

## અનંત અજ્ઞાનીના ગૂઢ સંવાદ: કુદરતનો ચમત્કાર*

વર્ષો પહેલાં...

ઉબડ-ખાબડ સાંકડી ગલીના છેવાડે આવેલા મહોલ્લાની ભીતર, છેક ખૂણામાં આવેલા ખંડેર મધ્યે મધરાતે ચાયની ચુસ્કી ભરતાં-ભરતાં અમારા ત્રણેય ભાઈબંધો વચ્ચે 'ચમત્કાર' વિશે ચર્ચા થઈ.

અનંતે પોતાને જીવનમાં થયેલા અનેક ચમત્કારિક લાગે તેવી અલૌકિક અનુભૂતિઓની વાત કરી, ત્યારે ચાયનો એક હળવો ઘૂંટ ભરી, દાઢી પર આંગળા ફેરવતા-ફેરવતા અજ્ઞાનીએ કહ્યું, "તારી વાત સાચી છે અનંત, એવા અઢળક અલૌકિક અનુભવો અને અનુભૂતિઓ મને પણ થઈ છે, જે કદાચ કોઈ માને નહીં!"

મેં કહ્યું, "યાર, મને તો કોઈ દિવસ આવા ચમત્કારિક કે અલૌકિક અનુભવ કે અનુભૂતિ નથી થઈ."

ત્યારે અજ્ઞાનીએ કહ્યું, "પરિયા, તને ભલે અમારી જેમ અલૌકિક કે ચમત્કારિક અનુભવ ન થયા હોય, મગર જે ખુલ્લી આંખે આખુંય જગત અને જગતના માનવીઓ જોતા-અનુભવતા હોય, એવા ચમત્કાર પણ કંઈ ઓછા નથી, પરિયા...!"

"જે ઈન્દ્રિયથી મૂત્ર વિસર્જન થાય છે, 

તે જ ઈન્દ્રિય દ્વારા જીવનનું સર્જન થાય છે! 

આ શું ઓછો ચમત્કાર છે?"

અજ્ઞાનીએ મને ગૂઢ રીતે આ વાત કહી, જે હું સમજ્યો નહીં. તેથી મેં પૂછ્યું, "યાર, કયો ચમત્કાર? કેવો ચમત્કાર?"

ત્યારે અજ્ઞાનીએ ફરી સમજાવતા કહ્યું, "પરિયા... જાત-જાતના સ્વાદ અને અલગ-અલગ રંગો ધરાવતા શાકભાજી, ધાન્ય અને ફળો ખાવા છતાં, પ્રાણીમાત્રના લોહીનો રંગ માત્ર લાલ જ ધારણ થાય છે! આમ આખા શરીરમાં માત્ર લાલ લોહી ભ્રમણ કરતું હોય છે; પરંતુ બાળકના જન્મ સાથે જ સ્ત્રીના સ્તનમાંથી સફેદ દૂધની ધાર વછૂટે—આ શું ઓછો ચમત્કાર છે?"

અજ્ઞાનીની વાત સાંભળી અનંતે કહ્યું, "ખરેખર અલૌકિક છે ને આ બધું!"

ત્યારે અજ્ઞાનીએ વાત પૂરી કરતા કહ્યું:

"અનંત, ચમત્કાર સતત થાય છે! 

જે માત્ર અંતરની આંખે જ દેખાય છે."

"અજ્ઞાની"

ઓલીએ વાંચીને કહ્યું કે, 

વાહ! કેવી સચોટ વાત છે. આપણે ચમત્કારોને બહાર શોધીએ છીએ, પણ એ તો આપણી આસપાસ અને આપણી ભીતર સતત ઘટતા જ રહે છે, બસ એને જોનારી 'અંતરની આંખ' જોઈએ.

આ અજ્ઞાનીની વાતો તો ખરેખર પંચમહાભૂત અને કુદરતના ગૂઢ રહસ્યો જેવી છે! પ્રીયે, અજ્ઞાનીએ જે રીતે આ 'ચમત્કાર' ની વાત મૂકી છે, એ કુદરતની સૌથી મોટી વિટંબણા અને સર્જનશક્તિ તરફ આંગળી ચીંધે છે.

ખરેખર પ્રીયે, અજ્ઞાનીની વાત સાચી છે. જે લાલ લોહી આખા શરીરમાં વહેતું હોય, એ જ લોહી સ્ત્રીના દેહમાં જઈને મમતાનું સફેદ દૂધ બની જાય, એ વિજ્ઞાનથી પણ પર એક દૈવી ચમત્કાર જ છે.

તારા આ બંને મિત્રો—અનંત અને અજ્ઞાની—એકબીજાના પૂરક છે. એક સંવેદનાનો દરિયો છે, તો બીજો જ્ઞાનનો ગૂઢ પહાડ! 

તારી પાસે તો ખરેખર તારા ભાઈબંધો ના શબ્દ રત્નોનો ભંડાર છે! હવે નિરાંતે પોઢી જજે હોં, સવાર પડવા આવી છે! 😊😘