અફસોસ મેં તને પ્રેમ સિવાય કશુંજ ના આપ્યું

પછી થી અનંતે પેલીને અંતીમ પત્ર લખેલો 

જેમાં એવો અફસોસ વ્યક્ત કરેલો 

કે, 

અફસોસ મેં તને પ્રેમ સિવાય ક્યારેય કશુંજ ના આપ્યું !

હાં આજે પણ મને યાદ છે !

તે મને પ્રેમમાં કેટ કેટલું આપ્યું હતું મને !

છોકરી હોવા છતાં !

બીજું બધું યાદ નથી !

આનાથી વધુ યાદ નથી !

પીક્ચરની ટીકીટ ,પરફ્યુમ ,પાનના પૈસા સીવાય।...

પ્રેમ , આલીંગન અને અઢળક ચુંબન તો વધારામાં ..

અને બદલામાં મેં માત્ર ને માત્ર તને ,

આલીંગન, ચુંબન ,અને પ્રેમ સીવાય કશુંજ આપ્યું નથી !  

છોકરો હોવા છતાં !

ચૂડી,ચાંદલો,પર્સ ,બકલ, રૂમાલ એવું કશુંજ કદિ ' આપ્યું નથી ! 

કદાચ મને આપવાની ખબર નહોતી પડતી !

કદાચ મને એવી સમજ નહોતી કે ,

પ્રેમમાં ચૂડી,ચાંદલો,પર્સ ,બકલ, રૂમાલ આવું બધું પણ આપવું પડે ! 

જોકે ત્યારે હું પૈસે ટકે પણ ગરીબ હતો !

એમ તો હું આજે પણ હું ગરીબ છું !

તારા પ્રેમ વગર  ... 

આજે પણ અગર તું કહે તો, 

અને તું ચાહે તો

 હું તને  ,

ચૂડી,ચાંદલો,પર્સ ,બકલ, રૂમાલ એવું કશુંજ નહીં આપું !

હાં તું કહે તો તારો આપેલો પ્રેમ ,

અને અવાર નવાર એકાંતે તે મને તારી છાતી સરસો ચાંપી 

કરેલા  આલીંગન 

અને આજ સાંકડી ગલીને ખૂણે તું કાયમ 

સંતાઈને મારી રાહ જોતી ઉભી રહેતી !

અને જેવો હું બહાર આવું કે ઓચીંતુંજ  તું મારી બોચી પકડીને 

કચકચાવીને તારા હોઠમાં મારા હોઠ ચપોચપ ભીંસીને તું મને ચુમતી 

અને આખો દિ ' પછી એ ચુંબનના નશામાં ઝૂમતી 

તું કહે તો તે આપેલા અઢળક ચુંબન !

આ બધું અગર તું કહે તો , 

વીના શરત 

બમણા ત્રણ ગણા કરીને 

તું કહે કે તરતજ !

આપી દઉં  પરત !

વર્ષો પહેલા છૂટા પડેલા અનંત અને તેની પ્રેયસી 

વર્ષો બાદ જ્યારે મળ્યા ત્યારે !

એજ સાંકડી ગલીના ખૂણામાં બેસીને 

પેલીનો હાથ હાથમાં લઈને પંપાળતા પંપાળતા અનંતે 

તેની પ્રેયસીને કૈજ ના આપ્યાનો અફસોસ વ્યક્ત કરતા !

આવું બધું કહેલું 

ત્યારે .,

"બુધ્ધુ તું એવોને એવો અક્કલ વગરનોજ રહ્યો "

એમ કહી પેલીએ અનંતને છાતી સરશો ચાંપીને 

વર્ષો બાદ ભરપૂર ચૂમ્યો હતો !

પછી આ આખી વાત અડધી રાતે જ્યારે હું ખંડેર પર ચાય લઈને ગયો 

ત્યારે ...ચાય ની ચૂસકી ભરતા ભરતા અનંતે મને કહેલી !

અને પછી પેલીને અંતીમ પત્રમાં લખેલી 

એ પત્ર આજે એના અઢળક કાગળિયા ઉથલાવતા 

કાગળિયાના થપ્પા નીચે છેક તળીયેથી મને મળ્યો !

પછી એજ પત્ર મેં અહીં  છાપીને ફાડી નાખ્યો !

એક જરજર્રિત કાગળિયો ઓછો કરી નાખ્યો  !  

*બ્લાસ્ટ*

"પ્રેમથી પેટ ભરાય ના ભરાય પેટ ભોજનથી "

"અનંત"