feeling disappointed.
દેશની દુર્દશા માટે દુર્જનોની દુર્જનતા કરતા સજ્જનોની નિષ્ક્રિયતા વધુ જવાબદાર છે.
મારો ફેસબુક પર કે ટ્વીટર પર હોવાનો મુખ્ય ઉદ્દેશ સામજીક સંદેશા ફેલાવવાનો જ હતો અને છે પણ છેલ્લા ઘણાં સમયથી નોંધુ છું કે લોકોને ફક્ત મોજ મજામાં જ રસ છે. ઓછુ ભણતર, સમજણ, ઉમર, આવડત વાળા લોકો તો અહીં ટાઈમપાસ માટે જ હોય તે સમજી શકાય તેવી વાત છે પણ ભણેલા, સમજદાર, ગોઠવાયેલા લોકો પણ અહીં શુ કરે છે તે જોઈને આઘાત જ લાગે.
ફેસબુક અને વોટ્સએપ પર જેટલા પ્રકારના ગ્રુપ હોય છે તે જ બતાવે છે કે લોકો કઈ માનસિકતા ધરાવે છે. જોક્સ, શાયરી, કવિતા, વાર્તા, ખાવા-પીવાનું, હરવા-ફરવાનું, બ્યુટી ટીપ્સ, પશુ પંખી પ્રાણી જગતની વાતો, સેલીબ્રેટીસની વાતો, ડબલ મીનીગવાળા ટુચકાઓ ... ધ લીસ્ટ ગોઝ્સ ઓન... ફાંકા ફોજદારીની વિચારી ના શકાય તેટલી બ્રાંચ અહીં ખુલી ગઈ છે. દરેકને એકાદ શોખ/હોબી/પેશન હોય; સમજી શકાય તેવી વાત છે પણ અહીં તો અડધો ડઝન શોખ જ લઈને લોકો બેઠા છે અને આમાં એક પણ જગ્યાએ સમાજ કે દેશને કોઈ સ્થાન નથી!!
સામન્ય બુદ્ધિ – ચર્ચાની પોસ્ટના ૨૦૦-૫૦૦ થી લઈને ૧૦૦૦ શેર થશે પણ એક કામની, સેવાની, યોગદાનની પોસ્ટ પર ૧૬,૦૦૦ ફોલોઅર્સ અને ૪૦૦૦ ફ્રેન્ડસ – ૨૦,૦૦૦ના ૧૦% એ ય દેખાશે નહીં!! યોગદાનની વાત કરો તો એક જ જવાબ હોય ‘રૂપિયા જ નથી’!! સરસ તો પહેલું કામ કરો કે વોટ્સએપ-ફેસબુક બંધ કરી કમાવા પર ધ્યાન દ્યો, અહીં ગપ્પા મારીએ રૂપિયા નહીં કમાવાય. અહીં કંઈ મોટી રકમના યોગદાનની વાત પણ નથી થતી, મહિનામાં એક મુવી કે ડીનરના લઈએ તેટલા જ રૂપિયાની વાત થાય છે. લોકો ક્યાં અને કેટલા રૂપિયા ખર્ચે છે તે તો જોઈ જ શકતા હોઈએ છીએ. ઘણાં પાછા વર્ષે એક વાર ક્યાંક નાની રકમ આપતા હશે તે પાંચ વાર ગણાવશે.
ચાલો! રૂપિયાની વાત મુકો... સમય આપો! નવરા પડ્યા ********** એવા લોકો પણ કામ ચીન્ધ્શો એટલે કહેશે કે હું બહુ બીઝી છું, સમય જ નથી!! ચા પીવા ભેગા થાય અને સાંજ પડીએ ૨ કલાક વાતો કરે, જમવા ભેગા થાય અને ૩ કલાક ટાઈમપાસ કરે, પાછુ રાત્રે ચા પીવા ભેગા થવાનું અને ૨ કલાક ગપ્પા મારવાના અને તો ય પાછા બીઝી ના બીઝી જ હોં!
એક સેવાને લગતી પોસ્ટ શેર પણ ના કરે [ ફોટોગ્રાફ શેર કરી નાખે ] અને દરેક પોસ્ટ પર દેખાતા – કોમેન્ટ કરતા લોકો ‘કામની પોસ્ટ’ પર દેખાય જ નહીં!! ફક્ત અને ફક્ત અક્કલવગરની વાતો, એકબીજાના વખાણ, કોઈક ને કોઈ ઘટનાનો વિરોધ, ગપ-ગોળા અને ટાઈમપાસ!!! અહીં રહીને હું શુ કરું છું તે સવાલ હવે મને થઇ રહ્યો છે!?!?!
No comments:
Post a Comment