અનંતના ચૂંથાઈ ગયેલા કાગળિયાઑ માંથી..
"સાચું બોલ.! કોણ સાચું.."?
આ માત્ર કાલ્પનિક સત્ય નથી..
કોઈ સમયે આ સત્ય ઘટના હતી..
અનંત 'તંગનાક' હતો...
જેને ચાહે તેનેજ તંગ કરતો ...
એટલે કે એ તંગનાક હતો ..
ના, ખતરનાક બિલકુલ નહીં...
માત્ર લખવામાં માહિર ...
મનનો ચોખ્ખો ભીતરથી સાચો...
પણ પ્રેમ કરવામાં સાવ કાચો ...
બોલી કબાડ,
સાવ લબાડ ...
સાવ ઠેકાણા વગરનો ગમે ત્યારે ગમે તેમ બોલી નાખે બાફી નાખે ...
સજા ભોગવવા તૈયાર રહે, પણ ભૂલ કરે તોય ના માફી માંગે.
કે જે વાંચે એની કા આંખ ભીની થાય કા ઊભા થાય રૂવાળા...
એ નથી તો શું !
બની શકે આખું જગત અહી છે એ પણ હોય, તો... ?
ના , એ સારું નૈ, તો નામ બદલી નાખું છું, કઈક નવું રાખું છું...
તો એ છોકરીનું નકલી નામ ટીના ...
અનંત અને ટીના વચ્ચે ગજબની પ્રીત હતી...
આખો દિવસ છેડ છાડ ધમાલ મસ્તી...
આ બન્ને નું એવું ..
મોકો મળે ને મળી લેવું ...
સુખે હસી લેવું દૂ:ખે રડી લેવું...
ઘણી વાર ઝગડતા તો ધમકી દેતી ટીના ...
કોઈ ફર્ક નહીં પડે જા..! મને તારા વિના....
આમ લડીને છૂટા પડતાં ...
સાંજ પડે ત્યાં પાછા મળતા..
એ..ય.ને દિવસો આમ બન્નેના,
ખૂબ પ્રેમ આનંદથી નીકળતા ...
આ બેઉ વચ્ચે બને દુનિયાથી સાવ ઉલ્ટી ઘટના
પ્રેમમાં અકસર એવું જ બને છોકરા છોકરીને ગિફ્ટ ધરતા...
પણ આ ભાય હમેશા દુનિયાથી ઊલટુંજ કરતાં..
ભૂલ કરે પણ માંગે ના માફી....
ઉપરથી ટીનાને કહે ,
ટીના મને બે રૂપિયા દે...
તો આ નફ્ફટ થઈ ને કહે મારે ખાવી છે ફાકી..
એક દિવસની વાત ટીના કહે પિક્ચરમાં જઇયેચાલ...
ફરી આ નક્ટો કહે નફ્ફટાઈથી
ટીના ગુસ્સો કરે કહે યાર તું તો છે કમાલ ...
હજુ સુધી પ્રેમથી કદિ' લઈ દીધો નથી તે એક રૂમાલ ...
પાછો બેશરમ થઈ છોકરો ઉઠી તું એક છોકરીને કહે છે કે -
મારી ટિકિટના પૈસા આલ... !
હાં.! તારે ના લઈ જવો હોય તો ના કહી દે!
બાકી મને ના જોઇયે ખોટી બબાલ...
અંતે કંટાળી ટીના કહે તારા જેવુ કોણ થાય
"હદ ની કોઈ હદ નથી હોતી "
પણ તારી એકલી સાથે મને નહીં ફાવે ..
તો .. ? ટીના ગુસ્સે થઈ ગઈ ...
તો હવે હું શું કરું..?
હું ક્યાં તને કશું કરવાનું કહું છું ..
તું તારે જા મારે નથી આવવું ..
કાં ?
ભાઈબંધ વિના ...એટલે કે અનંત મને મૂકીને પેલી સાથે જવા નહોતો ઈચ્છતો
તેથી મારે ખાતર પેલી સાથે ફિલમમાં જવાનો સાફ ઇનકાર કરી નાખ્યો .
સંતે કંટાળીને ટીનાએ કહ્યું હાં બાપ હાં..!
ટીના તાડૂકિ , એ સિવાય છૂટકો છે...?
તો નક્ટો થઇ નકટો કહે
તો લે પકડ આ ચાર ટિકિટના પૈસા અને જલ્દી ટિકિટ લેવા જા...
હાં પણ જાઉં છું એમાં આટલી રાડો શું પાડે છે !
અક્કલ વગરનો છે સાવ તારો ભાઈબંધ આવશે તો શું મારી બહેનપણી નૈ આવે...?
ભલે ને આવે મારે શું .!
મને નોતી ખબર ભાઈબંધનોય મેળ પડી જાશે...
આમ અનંત અને ટીના મસ્ત માહોલમાં જીવતા એના થકી -
એ મહોલ્લો જે આજે ખંડેર થઈ ગયો છે , તે જીવંત થઈ જતો ...
ટીના ભણે સ્કૂલે જાય ...
અને આ ભાય લઘરે હાલ મજૂરી કરે ...
એકજ મહોલ્લામાં બન્ને રહે એટલે...
આ ભાઈના કોલેજના અધૂરા સપના નસીબથી અહી જ પૂરા થઈ ગયા...
ટીના આવે જાય, કરતી જાય હેલ્લો હાય & બાય ...
ટીના છુપાઈ ને મળવા આવે ...
આ
ગાંડો આખું ગામ ગજાવે...
ટીના પણ મસ્તી ખોર ઓછી નો'તી ...
અગ્રેજીમાં
કહું તો હતી એ પણ નોટી...
ટીના સંતાઈને રવેશમા છૂપી ઊભી રહી કોઈ જુવે નહીં એમ
પથ્થરમાં વીંટાળી ચિઠ્ઠી ફેંકે ....
મોકો જોઈ જે કઈ લખ્યું ચિઠ્ઠી મહિ વાંચે ,
ચાહી ચાહીને ટીનાને ચીડવવા મોટે મોટેથી બોલે ...
ટીના ઇશારાથી ચૂપ કરાવે હાથ જોડી ખૂબ સમજાવે...
અક્કલ વગરના ફળિયા વચ્ચે ફજેતા કરમાં ...
ચિઠ્ઠી વાંચવા ભીતર જાને ...
એક દિવસ તો એણે હદ કરી...
આ ભાઈએ એક દિવસ બે ચોટલી ઓળવાની જીદ કરી...
તે દિ' ટીનાએ અંબોડો તો ના કર્યો પણ ,
એક ચોટલી વાળવાની ભૂલ કરી ...
અને આ છટકેલની કમાન છટકી ...
ચોટલી પકડી પૂછ્યું આણે ,
કેમ તે મારી વાત ના માની ..?.
શાને
કરી ટીના તે મનમાની...?
ગુસ્સો ટીનાને આવ્યો અતિ લાલ થઈ ગયું મોઢું ...
રોજ ટીનાના સ્કૂલેથી પાછા આવવાના સમયની આસ પાસ
આ
ભાઈને કાયજ ખબર ના પડી...
મનમાને
મનમાં હવે નૈ બચુ હું, ટીના
આપશે જો શ્રાપ...
કોઈ જુવે છે કે નથી જોતું એની પણ
પરવા તારે નૈ કરવાની .. ?
મારે એકલીને જ આજુ બાજુ કોઈ છેકે
નહીં એ ધ્યાન રખવાનું એમ ..?
આ ભાય ભોળા ભટાકની જેમ બોલ્યા..
ના, ના, એવું થોડીના હોય...
હવેથી હું પણ ધ્યાન રાખીશ ને...
હવે એ અવસરજ નહીં આવે અનંત...
મને તારો ભરોશો નથી વાત પતી...
મનમાં ફાડ પડેલી હોય તોય ફિસિયારીની
ફાઇડ પાછો પાવર કરે...
ટીના ...
અઘરું પડશે હો....
પછી તુજ રડીશ..
ટીનાએ ગુસ્સે થઈ છણકો કરતાં કહ્યું .
એમ..!
અને તને કઈ જ ફર્ક નહીં પડે કેમ..!
બેશરમ અનંત કહે છે,
કદાચ ના પણ પડે...
હું પણ તને નહીં બોલાવું કરીશ જો તું
મને દૂર તારાથી...
તો હું વહી ગયેલો સમય થઈ જઈશ...
જે ગયા પછી ફરી કદિ’ પાછો નથી ફરતો...
આજે ટીના પણ બરાબરની વીફરી હતી...
તો મારુ પણ એવુજ સમજજે સમજ્યો....
તને કોઈજ ફર્ક નહીં પડ એમ.!
એમજ કહ્યું ને તે...?
ખોટું બોલવાની આનંતને આદત નૈ અકલે,
થોડી વાર પહેલા જે બોલ્યો હતો તે કબૂલતા અનંત કબૂલે છે ..
હાં..!
તો જા હવેથી મને પણ તારા હોવા ના
હોવાથી કશોજ ફર્ક નહીં પડે જા ..!
હું જાવ છું..!
ટીના ના પગ ની ઝાંજરી જોરથી બાજી
છમ... છમ.. છમ...
હું જાઉં છું..!
આમ કહી ટીના ગુસ્સાથી પગ પછાડતી
દરવાજા સુધી પહોંચી ગઈ ..
પણ ઘરની બહાર નીકળતા પહેલા ટીના આખરી
વાર
અનંતને જોઈ લેવાની લાલચ રોકી ના
શકી...
તેથી દરવાજે ક્ષણભર થંભીને ભીનીઆંખે
છેલ્લી વાર
અનંત સામે જોયું ...
આ ભાય ટીનાને રોકવાને બદલે બારીના
ખૂણામાં નીચું ઘાલીને બેઠા છે...
પણ તોય નીચા વળેલા ચહેરે ત્રાસી આંખ
તાણીને ટીના ને જોઈ ...
એણે જોયું કે ટીના રોઈ ...
અને પછી આંખો લૂછતી દરવાજા ભણી ચાલી
...
કાયમ જે ઝાંઝરીનો ઝણકાર અનંતને ઝણ
ઝણાવાતો હતો ...
તે આજે અનંતને ભીતરથી ધ્રુજાવી
ગયો...
અનંત મનોમન વિચારે છે .
શું ખરેકર હવે ટીના મને નહીજ બોલાવે
...
ટીના પણ આવુજ વિચારે છે .
શું આ અક્કલ વગરનો મને સાચેક રોકશે
નહીં...
બંનેના મનમાં એક સરખોજ મુંજારો એક
સરખીજ ગડમથલ ચાલતી હતી...
શું સાચે જ અંત હતો ટીના અને અનંતના
પ્રેમ સંબંધનો ..?
કે પછી નવી શરૂઆત ...?
જોકે આમ તો હર એક અંત નવી શરૂઆત જ
હોય છે...
જે સાથે હોય એ નહીં તો બીજું કોય હોય
છે....
આખરે હર એક અંત નવી શરૂઆત હોય છે..
ટીનાનો એક પગ હજુ ઉંબરાની અંદરજ હતો ત્યાં આ ભાઈએ હાકલ મારી...
ટીના....
ટીનાનો એક પગ ઉંબરાબી બહાર હતો બીજો
પગ ઉંબરાની અંદર..
ટીના એજ સ્થ્તિમાં થંભી ગઈ..
મનમાં થોડી હાશ થઈ...
પણ તોય રૂસણામાં તો આવુજ હોય...
પાછું વાળીને જોયા વિનાજ ટીનાએ
કહ્યું ...
બોલ ..!
જોકે આ ભાય રિસાવમાં અવ્વલ પણ
મનાવવાનું બૌ ફાવતું નૈ...
છતાં વિચિત્ર પ્રયાસ કર્યો...
ટીના ,મે તને રોકવા માટે નથી રોકી...
ટીનાને એક ક્ષણમાં આનંદ બીજી ક્ષણમાં ફાળ પડી ‘ને ત્રીજીજ ક્ષણે મનમાં હસવું આવ્યું
...
ટીના મનોમન બોલી.
અક્કલ વગરનાને શું બોલે છે એનુય ભાન
નથી , ને કહે છે.કે,
મે તને રોકવા માટે નથી રોકી, બુધ્ધું , આને રોકી ના કહેવાય તો બીજું શું
કહેવાય....
ક્ષણ ભરમાં એક સાથે ત્રણ અલગ અલગ
સ્થિતિમાથી ટીના પસાર થઈ ...
હજુ ટીના પાછું ફરીનેજ ઊભી હતી...
તે ચૂપ જ રહી...
ટીના.. તું સાંભળે છે ને...?
ટીના સાવ ધીમેકથી બોલી, હાં... !
જો ટીના મે તને રોકવામાટે નથી
રોકી...
ટીનાને ફરી મનોમન હસવું આવ્યું અને
ગુસ્સો પણ તો શેના માટે રોકી હશે .. ?
ટીનાને મનમાજ આ સવાલ થયો ..
ટીના જતાં પહેલા મને તું મારા છેલ્લા
સવાલનો જવાબ દેતી જા....
હવે ટીનાને સમજાઈ ગયું આને માત્ર
સવાલ જવાબનીજ ફિકર છે ..
હવે મને મૂરખને સમજાય છે કે, ખરેખર એ સાચુજ બોલતો હતો.કે .
જો ટીના હું તને રોકવા માટે નથી
રોકતો ..
હાં એણે મને માત્ર પોતાને થયેલા
સવાલનો જવાબ જાણવાજ રોકી છે..
ટીનાની આંખો ફરી પલળી ગઈ ...
ટીના તું ભલે મારી સામે ના જુવે આમેય
સાંભળવાનું તો કાનને જ હોય છે ને...!
મારે પણ બોલવા માટે મો જ ખોલવાનું
હોય ને... !
એટલે તું સામે જો એવો આગ્રહ હું નહીં
રાખું... !
ફરી ટીના દ્વિધા ગુસ્સો અને હાસ્ય
ત્રણ સ્થ્તીતિમાથી પસાર થઈ ...
કેટલું ખેંચે છે , કેવું ચિત્ર વિચિત્ર બોલે છે.
સાંભળવાનું તો કાનને જ હોય છે ને...!
મારે પણ બોલવા માટે મો જ ખોલવાનું
હોય ને..!
ટીના મનમાં રિપીટ કરે છે..
હાં તો ટીના જતાં પહેલા મને મારા આ
સવાલનો જવાબ દે..
ટીના શબ્દમાં વજન દઈને કહે ...
હાં ! બોલ.!!
ટીનાની સવાલ સાંભળવાની ઉત્સુકતા એના
ભાર પૂર્વક બોલાયેલા શબ્દો –
હાં ! બોલ ! માં વર્તાઇ આવતી હતી..
હાં તો ટીના.. જ્યારે તે મને કહ્યું
કે મને તારા હોવા ના હોવાથી કશોજ ફર્ક નહીં પડે. !
ટીના ધીમેકથી હં,
અને પછી તું પગ પછાડતી ચાલી જતી હતી
ત્યારે..
ટીના ની પીડા અને ઉત્સુકતા વધતી જતી
હતી કોણ જાણે શુય બોલશે ...
અનંત થોડું અટકી આગળ બોલ્યો ..
ટીના મે જોયું કે તું...
હવે રહી રહીને અનંત ના ગળે ડૂમો
બાજયો ....
ટીના હજુ પણ પાછું વાળીને દરવાજાની
તરફજ મો રાખીને ઊભી હતી..
તું ,, કહીને અટકેલો અનંત ડૂમાના હિસાબે
અટકી ગયો એટલે...
અનંત સામે જોયા વિના જ ટીનાયે
પૂછ્યું
પણ શું..!
જ્યારે તું દરવાજા તરફ જતી હતી ને
...
હે , ટીના તને કૌ છું તું સાંભળે તો છે ને
ભલે સામે ના જો પણ ...
ગળે બજેલો ડૂમો તગતગતી આંખ અને
કપકપાતા હોઠ,
અનંતને બોલવામાં અવરોધ પેદા કરતાં
હતા...
ત્યારે ...મે જોયું કે ..
હવે ટીનાને પણ અનુભવાયું કે અનંતનું
ભીતર ભરાઈ ગયું છે ..
જો નજર મિલાવશે તો પોતે જાતને રોકી
નહીં શકે એમ વિચારી બિચારી ટીનાએ ..
માંડ માંડ જરાક ડોક ફેરવી ત્રાસી નજરે અનંત
સામે જોયુ...
તો ટીનાએ જોયું , અનંતનું લાલઘૂમ થઈ ફૂલી ગયેલું ડાચું ...
જોયા પછી તો ટીનાની દશા પણ જોયા જેવી
થઈ ગઈ ...
ટીના પણ રોવા જેવી થઈ ગઈ
તેમ છતાં હોઠ ભીસીને ટીનાએ અટકી
અટકીને બોલતા અનંતને કહ્યું
પણ શું.. જોયું તે... ?
કૌ છું , પણ જો ટીના તું ...
સાચું કહેજે હો, ખોટું નો બોલતી ..!
તું જતી હતી ત્યારે મે જોયું કે ...
ફરી અનંત અટક્યો ,
શબ્દો જ નહોતા નીકળી શકતા મોમાથી એ
હદે હ્રદય ભરાઈ ગયેલું અનંતનું .
થોડું અટકી અનંત ગળગળા સ્વરે બોલ્યો
...
હું તને એમ પૂછું છું ટીના કે જો તને
કશોજ ફરક ના પાડવાનો હોય તો,,.
તારી આંખો કા તગતગી.. તું કા રડતી હતી ?
હવે ટીનાથી ના રહેવાયું,
તે દોડીને અનંત પાસે પહોચી ગઈ ...
ટીનાએ અનંત સામે જોયું , અનંત નીચું મો ઘાલીને બેઠો છે ..
તેના ગોઠણ ભીંજાઇ રહ્યા હતા તેને ખબર
નથી કે ટીના તેની સામે ઊભી છે ...
એ તો હજુ એનો અધૂરો સવાલ પૂછવા મથી
રહ્યો છે..
તો ટીના મને ખાલી એટલું કે’,,કે તું સાચી કે તારી આંખો ...
જરાક માથું ઊંચું કર્યું ટીના સામેજ
ઊભી હતી .
અનંતે ટીના સામે જોઈને ફરી પૂછ્યું
..
સાવ સાચું કહેજે ,તું બોલી એ સાચું ?
કે પછી તારી આંખો બોલે એ સાચું...?
બોલ બોલ તું સાચી કે તારી આંખ,,,?.
સાચું બોલ, કોણ સાચું ?
તું સાચી કે,તારી આંખું ?
છોડી જવાની વાત કરી એ ,
તારા હોઠના એ બોલ સાચા કે.
કે તારી આંખમાંથી વહેતા "અનંત" આંસુ ?
અનંતના એક સામટા અનેક સવાલના જવાબમાં
ટીનાનું હ્રદયમાં ક્યારનું દબાયેલું
રુદન ઊછળી ને આંખ વાટે અનરાધાર વહેવા લાગ્યું...
ટીના રડી પડી અનંતના ખોળામાં ઢળી પડી
ને અનંતને કહેવા લાગી ...
મારી આંખો બોલી એજ સાચું ...
અનંત તારી આંખો બોલી એય સાચું....
બ્લાસ્ટ:-
”અજ્ઞાની” આ ત્રણ અવસ્થામાં માણસ
પોતાને સાચું બોલતા રોકી નથી શકતો .
નશામાં , ગુસ્સામાં અને પીડામાં માણસ મોટા
ભાગે સાચું જ બોલતો હોય છે.
“અજ્ઞાની”
- Like
No comments:
Post a Comment