અનંત સત્ય અને જૂઠનો સંઘર્ષ

ઓલીએ વાંચીને કહ્યું. 

વાહ! પ્રીયે, તમારા મિત્ર અનંતની આ રચના માત્ર એક કવિતા નથી, પણ સત્ય અને જૂઠના સંઘર્ષની એક આખી વ્યથા-કથા છે. તેના વિચારો કડવા પણ ખૂબ જ વાસ્તવિક છે. 

🔥 અનંતની વ્યથા-કથા: સત્ય અને જૂઠનો સંઘર્ષ 🔥

અંતે "અનંત" સત્ય શહીદ થાય છે,

'ને આ જગમાં જૂઠના ઝંડા લહેરાય છે.

જૂઠનું ટોળું અને એકલું સત્ય

જૂઠ ચાલે છે.

સત્ય પણ ચાલે છે.

મગર... જૂઠના ટોળામાં એકલું-અટૂલું!

જૂઠ હંમેશાં જૂથમાં હોય છે,

અને સત્ય કાયમ એકલું-અટૂલું.

જૂઠના ટોળાને ઉતાવળ છે: સત્યથી આગળ જવાની, સત્યથી બચવાની.

સત્યની ઈચ્છા છે: આગળ થવાની, જૂઠને પકડવાની.

મગર...

જૂઠનું ટોળું સત્યને આગળ ન થવા દેવા માટે ધક્કે ચડાવે છે!

જેવું સત્ય આગળ થવા જાય કે તુરંત,

ટોળામાંથી કોઈ એને જાણીજોઈને ઠેબે ચડાવે છે, પછાડે છે!સ

સત્યની હિંમત અને પીડા

કારણ કે, જૂઠ ડરપોક છે... તે સત્યથી ડરે છે, ખૂબ ડરે છે!

સત્ય હિંમતવાન છે...

તે ટોળાની જાણીજોઈને પછાડવા-પાછળ રાખવા થતી ધક્કામુક્કીના કારણે વારંવાર પડે છે, આખડે છે.

છતાં હિંમત કરી ફરી ધૂળ ખંખેરી ઉપર ઊઠવા પ્રયાસ કરે છે, આગળ વધવા પ્રયાસ કરે છે!

સત્યની હિંમત જોઈ જૂઠનું ટોળું સાથે મળી,

ફરી સત્યને પછાડે છે!

એમ પછાડે છે કે સત્યના હાડકાં ભાંગી જાય અને,

એકલું સત્ય ચાલી જ ના શકે... જૂઠનું ટોળું એવું જ કરે છે!

સત્યને મારી મારીને ભોં ભેગું કરી જૂઠાનું ટોળું દોડે છે, ભાગે છે!

૩. અંતિમ પડાવ

હાથે-પગે છોલાયેલું એકલું સત્ય માંડ-માંડ ઊઠે છે.

ઊઠીને જૂઠને આંબવા દોડવાની કોશિશ કરે છે. દોડે છે અને હાંફે છે...

જૂઠના ટોળાને ખબર પડે છે કે સત્ય લંગડાતું હોવા છતાં પીછો નથી છોડતું... આટઆટલું પડવા-આખડવા છતાં!

ઊભા થઈને લંગડાતા, ઠોકર ખાતા એકલા સત્યને પાછળ આવતા જોઈ ટોળું ડરે છે અને ભેગા મળીને,

ટોળું નક્કી કરે છે કે હવે આ સત્યને ખતમ કરવું જ પડશે! એમ કર્યા વગર છૂટકો નથી!

અગર જો સત્ય ખતમ નહીં થાય તો આપણે થઈ જઈશું.

અગર સત્ય જીવશે તો આપણે જીવી નહીં શકીએ, મરી જઈશું...

બધા નક્કી કરે છે: પ્રથમ સત્યને સમજાવવાનું.

જૂઠનું પ્રલોભન અને સત્યનો જવાબ

આગળ જતું જૂઠનું આખું મોટું ટોળું થંભે છે.

એટલે જૂઠના ટોળાની ઠોકરે ચડેલું, લંગડાતું, પીડાતું, રિબાતું એકલું-અટૂલું સત્ય... ટોળાં સુધી પહોંચે છે.

જૂઠના ટોળામાંથી એક જૂઠો આગળ આવી, કરડાકીથી સત્યને કહે છે:

"લ્યા! તું ક્યારનો અમારો પીછો કરે છે! અમને પકડવા કોશિશ કરે છે. અમે તને કેટલીય વાર ધક્કે ચડાવ્યો, છતાં તું અમારો ઇરાદો સમજતો નથી! અને આગળ વધવાની કોશિશ કરે છે!"

જૂઠના ટોળામાંથી હાસ્ય વેરતો બીજો જૂઠો બોલે છે:

"તો પણ તું અમારાથી આગળ નથી નીકળી શક્યો..."

વળી એક જૂઠો વટથી સત્ય સામે જોઈ કહે છે:

"અને નીકળી પણ નહીં શકે! તું અમારી તાકાતને જાણતો નથી, એટલે આ નાદાની કરે છે."

(જાણું છું, ખૂબ સારી રીતે જાણું છું - સત્ય મનોમન બોલ્યું)

પહેલેથી જ જૂઠાઓના મારથી જખ્મી થયેલું સત્ય... બધું ચૂપચાપ સાંભળે છે.

એક જૂઠો સત્યને ધમકાવતાં કહે છે:

"ફરી કહું છું, ધ્યાનથી સાંભળ સત્યા... તું અમારી, યાની જૂઠની, તાકાતથી વાકેફ નથી! બાકી આખી દુનિયા અમારી તાકાતને જાણે છે! અને એટલે જ અમારી પડખે સત્ય ચડતું નથી, અને એટલે જ આજે તું એકલો છે અને અમે ટોળામાં."

સત્ય ચૂપચાપ સાંભળે છે કેમકે એકલું છે. એ ડરપોક નથી, પણ રસ્તે ચાલતા જૂઠની ઠોકરે ચડવાનું પરિણામ પીડા સમેત ભોગવે છે, અનુભવે છે, અને એ આ હકીકત પણ જાણે છે કે તે એકલો છે, માટે એ ચૂપ છે.

ફરી એક જૂઠો અટ્ટહાસ્ય કરતાં સત્યને ધમકાવીને સમજાવે છે:

"જો સત્યા, અમારી આગળ તું ક્યારેય જઈ નહીં શકે. કેમકે અમે તને જવા નહીં દઈએ. અને તને અમારી આગળ ન જવા દેવાનું સાચું કારણ એ જ છે કે, અમે તારાથી ડરીએ છીએ!

એવું નથી કે અમને ડર નથી લાગતો કે અમને જીવ વ્હાલો નથી. અમને ડર પણ લાગે છે, અને અમને પણ જીવ વ્હાલો છે! અને એટલે જ અમે તારા જેવા સાચા લોકોને અમારી આગળ જવા નથી દેતા! સત્યની તાકાત અમે જાણીએ છીએ. એટલે એ એકલું હોય તો પણ અમારા માટે જોખમરૂપ હોય છે! અને અમે કોઈ જ જોખમ લેવા નથી માંગતા."

ફરી એક જૂઠો આગળ આવે છે અને કહે છે:

"અને એટલે જ અમે અમારી વાત સમજે નહીં એવા સત્યને ખતમ કરી નાખીએ છીએ... તને પણ સમજાવીએ છીએ! તું અમારી સાથે ભળી જા, એમાં જ તારી ભલાઈ છે!"

જૂઠની પાસે બચવાના અનેક રસ્તા હોય છે!

જ્યારે સત્યની પાસે માત્ર બે જ રસ્તા:

યા તો અમારા જૂઠના શરણે થઈ જાઓ!

યા અમારા જેવા જૂઠાઓના જૂથના હાથે, જૂઠની લાતે મરવા તૈયાર થઈ જાઓ!

અને, મરીને અમર થવા તૈયાર રહો... બોલ, તારો શું વિચાર છે?

રિબાતું સત્ય પીડાતું હોવા છતાં કહે છે:

"હું મારો રસ્તો નહીં છોડું..."

અને સત્ય ઠા આ... આ... આ... ર....

જૂઠની બંદૂકમાંથી નીકળેલી ગોળી થઈ ગઈ,

"અનંત" સત્યની ખોપડીની આરપાર...

કડવો અનુભવ અને વિસ્ફોટ (બ્લાસ્ટ)

વર્ષો પહેલા ભાઈબંધે કડવા અનુભવે લખેલી આ વ્યથા-કથા...

મનેય એવા કોઈ અનુભવે યાદ આવી એટલે,

કાલ રાતે જૂના, ઝર્ઝરિત કાગળિયા ફંફોસી શોધી કાઢી, બસ!

બ્લાસ્ટ - ૧:

જૂઠ કે જૂઠો એના કરતૂતોથી જીવતે જીવ અમર થઈ જાય છે.

જ્યારે "અનંત" સત્ય કે સાચો અમર તો થાય જ છે, પણ મરી ગયા પછી!

અને, હવે બધાને જીવતા અમર થવાની ઝંખના...

"અનંત"

બ્લાસ્ટ - ૨:

"અજ્ઞાની" જુઠ અટલ અચલ હે, 

ઔર સચ પલ પલ બદલતા હૈ...

"અજ્ઞાની"

*વિસ્ફોટ*

નવ્વાણું સારી કેરી સાથે એક સડેલી કેરી જો ભળી જાય તો,

એ નવ્વાણું એ નવ્વાણું સારી કેરી પણ સડી જાય છે.

પણ! નવ્વાણું સડેલી કેરી સાથે અગર એક સારી તાજી કેરીને

રાખવામાં આવે તો પણ એ નવ્વાણું કેરી સારી-તાજી નથી થતી.

બલ્કે... એ નવ્વાણું કેરી એક સારી-તાજી કેરીને પણ,

ખૂબ ઝડપથી સડાવી નાખે છે...

બસ 'આમ' સડો વધતો જ જાય છે...

હવે માત્ર... 

"પ્રલય એ જ વિકલ્પ"

https://www.facebook.com/share/p/1U2A6FkKmw/