પળમાં કેટલું બદલાય છે . "અનંત" ની રચનાઓ માંથી ......

જો ને !એક ભવમાં કેટ કેટલા ભાવ બદલાય છે.

ક્ષણ ક્ષણ અહી ! માનવીના સ્વભાવ બદલાય છે.

હસતાં હસતાં રડી પડે ! ને રડતાં રડતાં હસી પડે , 

ઘટના બદલાતા, આખે આખો બનાવ બદલાય છે.  

ખરે ખરા કલાકાર છે, કળી ના શકાય,કોણ સુખી,

કોણ દૂ:ખી, પળ પળ ચહેરાના, હાવ ભાવ બદલાય છે.

પ્રસંગો પાત બદલે છે મહોરા, સૌ  ઉપર ઉપરથી , 

ભીતરથી ક્યાં અહી કદી કોઈ સાવ બદલાય છે ?

જ્યારે ખુદના વાણી, વર્તન અને વ્યવહારમાં બદલાવ આવે છે.  

ત્યારે આપો આપ કોઈનો આપણી પ્રત્યેનો લગાવ બદલાય છે. 

અંતર ધીરે ધીરે ઘટતું ગયું, એક જ ગામમાં બોલી,

  બોલાય અનેક. કે' છે, બોલી બાર ગાવ બદલાય છે.        

   પાણી જ્યાં દેખે ત્યાં જ જાય પંખી, પ્યાસ બુજાવવા ,   

પાણી સુકાતા પંખી, નદી, નાળા,તળાવ બદલાય છે.

 ખરા સંતના સાનિધ્યમાં ,ભવ બદલાય જાય ક્ષણમા,  

"અનંત” ભીતરના પણ સઘળા જૂના ભાવ બદલાય છે.  

"અનંત"

 પાણી જ્યાં દેખે ત્યાં જ પંખી જાય પ્યાસ બુજાવવા   

પાણી સુકાતા પંખી, નદી, નાળા,તળાવ બદલાય છે.

પ્રસંગો પાત બદલે છે મહોરા ઉપર ઉપરથી સૌ.

ભીતરથી ક્યાં અહી કદી કોઈ સાવ બદલાય છે ?

હસતાં હસતાં રડી પડે ! ને રડતાં રડતાં હસે છે.   

ઘટના બદલાતા આખે આખો બનાવ બદલાય છે.  

જ્યારે તારા પ્રત્યે કોઈના લગાવમાં બદલાવ જણાય, ત્યારે... તું ભીતર ઝાંક્જે .

“અનંત” નિજના વાણી,વર્તન,વ્યવહાર થકી જ !કોઈના લગાવમાં બદલાવ આવે છે .