એક પ્રસંગ ...
વર્ષો પહેલા મને પણ લખવાના ધખારા ઉપડેલા...
જોકે આજ સુધી આવડ્યું નહીં એ જુદી વાત છે.
એક દિવસ મે દોસ્ત ને કહ્યું યાર મનેય લખવાનું બૌ મન થાય છે.
શું હું લખી શકું ?
એણે સહજતાથી કહ્યું બે શક તુંજ નહીં કોઈ પણ લખી શકે !
પણ હાં કલા નો વિષય સાધનાઓ વિષય છે ઉપાસનાનો વિષય છે.
કલા એ ઈશ્વર દ્વારા ભાગ્ય શાળીને મળેલી મૂલ્યવાન ભેટ હોય છે.
ઘણાને જન્મે જ આ ભેટ મળી હોય છે તો ઘણા સાધના દ્વારા સાધે છે.
તું પ્રયાસ કર બની શકે તું પણ સારું લખી શકે....
પછી એને આ રચના દ્વારા મને શીખવવાનો પ્રયાસ કરેલો ...
જોકે એને તો ઈશ્વર તરફથી જ લખવાનો ગુણ મળેલો.
એટલે જ તો એ કઈ પણ લખે, બોલે સાહિત્ય સર્જાઈ જતું ....
મારે એવું નોતું.
એટલે એણે મને લખવા બાબતે સમજાવા પ્રયાસ કર્યો.
જોકે કેમ લખવું, કેવી રીતે લખવું એ વિષયમાં એણે તો માત્ર વાતો જ કરેલી.
પણ મે કહ્યું એમ એ કઈ પણ લખે બોલે સાહિત્ય સર્જાઈ જતું ....
એ રીતે જ આ રચનાનું પણ સર્જન થઈ ગયું...
શું હું પણ લખી શકું ?
મારા સવાલના જવાબમાં એણે કહ્યું હતું .
લખવાની ક્યાં ના છે...!
@@@@@@@@@@@@
ચડે જો ચાનક તને, તું પણ લખ.
લખી શકે છે તું પણ, બે શક લખ.
લાંબુ ને લચ કે, ટૂંકું ને ટચ લખ.
જે પણ તું લખ, મસ્ત મસ્ત લખ.
ઉતાવળે લખેલું તુ જ નહી સમજે.
લખ ધીરે ધીરે, ના ઝટપટ લખ.
લખ એવું કે વાંચક વાંચે એકધારું
અધૂરું છોડે એવું ના બરછટ લખ.
પ્રથમ તું મનમાં ઘૂંટીલે વિચારને.
પછી ગઝલ તું એકદમ ઘટ લખ.
બાળક પણ ! સમજે સરળતાથી.
તું એટલું સુંદર અને સ્પષ્ટ લખ.
વિચારોની ધાર કાઢ એવિ તીક્ષણ.
થાય સીધું વાંચક હ્રદયને ટચ લખ.
કલા નામે સાધનાનો વિષય હોય છે.
પ્રથમ કર સાધના પછી તું પણ લખ.
“અનંત” કલા ઈશ્વરની દેન હોય છે.
હોય જો તારામાં કુદરતી ફાવટ લખ.
"અનંત"
બ્લાસ્ટ :-
તારે લખવું જ હોય લખ ! પણ એજ લખ , જે ભીતર ઊગે, ભીતર જાગે...
"અનંત" ના શબ્દો ઉછીના લે , ના ચોરીના ના કોઈનું વાંચી વાંચી ને લખ ..!
આ શબ્દો તો પંખીની જાત મન ડાળી પર મન પડે ત્યારે બેસે,
કાગળના પિંજરે પુરાવા , જો એને જટ પકડ નહીં તો ફૂ..ર.ર.ર.ર.ર. કરતાં ઊડી જાય...
રાત ભર જાગીને લખ....
શબ્દો ના માગીને લખ...
આવે જો વિચાર તો અડધી રાતે ઊઠીને લખ ...
શું લખું ? કેમ લખું ? ના એવું પૂછી પૂછીને લખ...
જે તારું મન કહે, કહે જે તારો આતમ ...
કેવું લાગ્યું ? કેવું નહીં ? એવું તું કોઈને પૂછ નહીં " અનંત "
તને જે ગમે તે ઉતમ..!
આટલું બધુ એના સમજાવ્યા પછી પણ ,
જોકે થોડા પ્રયાસોના અંતે મને ના ફાવયુ એટલે. પછી મે ..
એના જ વિચારોને સુધારવાનું, મઠારવાનું અને શણગારવાનું ચાલુ રાખ્યું .
બ્લાસ્ટ:- "અનંત"
"અનંત"આખા જીવનની મોટા ભાગની વાત ટૂંકમાં કહેવાની કલા એટલે કવિતા.
અને જીવનના ચોથા ભાગની વાત મોટી કરીને કહેવાની કલા એટલે વાર્તા...
બ્લાસ્ટ:- "અનંત "
કવિતા એટલે નવલકથાનું નાનું સ્વરૂપ .
અને નવલ કથા એટલે કવિતાનું મોટું સ્વરૂપ .
No comments:
Post a Comment